Նարնջի հյութի գինը բորսաներում վերջին 34 տարիների ընթացքում հասել է ռեկորդային թվի այն բանից հետո, երբ ԱՄՆ սննդի որակի վերահսկման գլխավոր կարգավորիչը որոշեց արգելել Բրազիլիայից հյութի և մրգերի ներմուծումը, քանի որ արտադրման ժամանակ օգտագործվում են ֆունգիցիդներ:
Ինչպես հաղորդում է Financial Times թերթը, ICE Futures բորսայում նարնջի հյութի գինը երեքշաբթի բարձրացել է միանգամից 9,7%-ով՝ հասնելով 2.1275 դոլարի (մեկ ֆունտի համար), ինչը ռեկորդային թիվ է համարվում 1977 թվից հետո:
Տարվա սկզբից նյույորքյան բորսաներում հյութի գինը բարձրացել է 26%-ով:
Հյութի շուկայում իրավիճակը վատանում է՝ կապված այն հանգամանքի հետ, որ իշխանությունների կողմից նախատեսված էմբարգոն դրվում է ոչ բարենպաստ եղանակի՝ ձմռանը, երբ ԱՄՆ հարավում նարնջի այգիները ցրտահարված են և քիչ բերք են տալիս:
Թերթի մասնագետները ենթադրում են, որ մոտ ապագայում ԱՄՆ կարգավորիչներն ամբողջական արգելք կդնեն Բրազիլիայից ներկրվող նարնջի և դրա հյութի վրա: Բրազիլիլիայի բաժինը նարնջի հյութի համաշխարհային շուկայում կազմում է 60%:
0 ՄԵԿԱՆԱԲԱՆՈՒԹՅՈՒՆ:
Отправить комментарий